WWW.ХХС.RU \ О ВЕРЕ И ЦЕРКВИ \ СЛОВО ПАСТЫРЯ \ МЯСОПУСТНАЯ СУББОТА \ ИЗ ЧИНА ПОМИНОВЕНИЯ
РУССКАЯ ПРАВОСЛАВНАЯ ЦЕРКОВЬ КАФЕДРАЛЬНЫЙ СОБОР ПАТРИАРХА МОСКОВСКОГО И ВСЕЯ РУСИ
_СЛОВО_ПАСТЫРЯ_

ИЗ ЧИНА ПОМИНОВЕНИЯ УСОПШИХ
ТРОИЦО-КОЛЕСКНИКОВОЙ ПУСТЫНИИ (1600-е ГОДЫ)

Рязанский синодик. XVII век.
Рязанский синодик. XVII век.

ПОМЯНИ, ГОСПОДИ, души усопших раб Своих и рабынь, еже от Божия руки созданного человека от земли, прадеда нашего Адама, и его супруги прабабы нашей Евы, от них народившихся и познавших Тебе, Творца всех и Зиждетеля, истиннаго Господа Бога и Спаса нашего Иисуса Христа, по воли Твоей жившей в Законе и прежде Закона и благодати Святаго Духа крещения, в верности послуживших в животе своем, и прослабльших и великолепное имя Твое, Отца и Сына и Святаго Духа, Святую Троицу единосущную и неразделимую, ныне и присно и во беки беков. Аминь.

ПОМЯНИ, ГОСПОДИ, души преждепочивших века сего от Адама и до дни его.

ПОМЯНИ, ГОСПОДИ, души правоверных мужей и правоверных христиан.

ПОМЯНИ, ГОСПОДИ, души святейших вселенских патриарх и благочестивых царей, цариц и чад их.

ПОМЯНИ, ГОСПОДИ, души боголюбивых преосвященных митрополит и благоверных великих князей и великих княгинь и чад их.

ПОМЯНИ, ГОСПОДИ, души благоверных князей и бояр, княгинь и боярынь и чад их.

ПОМЯНИ, ГОСПОДИ, души все властелинския роды, их же попечением имени в непорочной вере Христа, истиннаго Бога нашего, и управляли с прилежанием люди Господня по вере христианского Закона.

ПОМЯНИ, ГОСПОДИ, души боголюбивых архиепископов, архидиаконов и диаконов, и вся иже во благочестии поживших чтецов и певцов, и вся причетники святыи Твои Церкви.

ПОМЯНИ, ГОСПОДИ, души, иже попечение имели о святей соборней и апостольской Церкви и о всех святых церквах, иже по всей вселенной сияют, и о святых обителях, и о всяких богоугодных местех, и покоивших всякими потребами архиерейский и диаконский, и мнишенскй чин и весь причет святыя Твои Церкви, и творящих милостыню имени Твоего ради святого, Христа Бога нашего к нищим и странным, и ко вдовым и к сиротам, и братию свою милующих и по умершим душах памяти сотвориша и молитву о них к Богу приносиша, и правящим всякое слово истинное по Христове заповеди в православной вере Христове и непорочной.

ПОМЯНИ, ГОСПОДИ, души пострадавших Тебе ради, Христа Бога нашего, Пророк и Апостол, и Преподобных и Святых исповедник, Мученик и Мучениц и Преподобных мужей и жен, пустынножителей скончавшихся, уединяся во особных местех, в горах и в вертепех, в столпех и затворех и в пещерех, и в расселинах каменных, и в пропастех земных, и во всяком ведомом и неведомом месте скончавшихся великою скорбию и теснотою и всяческими различными напастьми преставльшихся от сего света земнаго к Тебе, милосердному Богу Отцу. ПОМЯНИ, ГОСПОДИ души иже Тебе, Христа ради труждающихся во юродстве и во обложении тяжких вериг и многими труды и подвиги, изнуряющих телеса своя и скончавшихся в непорочной вере.

ПОМЯНИ, ГОСПОДИ, души подвизавшихся за святыя цер-кви и за православную Христову и непорочную веру крови своя излиявших и за весь мир скончавшихся.

ПОМЯНИ, ГОСПОДИ, души всего народа православных христиан, и же на ратех побиенных и в полцех уязвленных, умерших и во градех и в селех, и во всех боех оружием и мечем убиенных, и огнем сожженных, скончавшихся и всяческими погублеими погубляемыя от руки безбожных, от литвы, от татар и от немец и от всяких разных языков, от междоусобныя брани насильственною смертию скончавшихся и во благочестии умерших.

ПОМЯНИ, ГОСПОДИ, души за правду государей своих верно умерших и поборающих во благочестии, в правде крови своя излиявших, кождо за своих государей в междоусобных бранех побиенных и живот свой предавших и скончавшихся волею и неволею.

ПОМЯНИ, ГОСПОДИ, души, иже на пути и на распутиях и на всяком месте во всей поднебесной православных христиан, избиеиных от всех разных иноязычных, от безбожных агарян, и от татей и от разбойников, и от всякого насилства убиенных, нужною смертию без покаяния умерших.

ПОМЯНИ, ГОСПОДИ, души, иже во узах и в темницах заключенных и во всякой тесноте различными бедами скончавшихся.

ПОМЯНИ, ГОСПОДИ, души, иже в лесах и в болотах, и в горах непроходных, и в дебрех заблудящих и вертепех, и в пещерех, и в кладезех, и в ров спадших, умерших и в пропастех земных, и по всяких местех ведомых и неведомых скончавшихся и без покаяния умерших.

ПОМЯНИ, ГОСПОДИ, души, иже от зверей и всяческих гадов, ходящих и ползущих и от всякаго гадскаго естества, снедей растерзанных и роги избоденных, и змиями поглощенных, и попраннем конским и топтанием разбиенных, и от птиц, снеденных, умерших.

ПОМЯНИ, ГОСПОДИ, души, иже напрасно умерших, от сильнаго клича и от всякого трясновения со брега и стремнины падшаяся на леду, проторгнувших и утопших, и в пучине морстей погружаемыя и в реках и в и озерах истопших и от морских зверей и гадов снеденных и рыбами раздробленных умерших православных вся.

ПОМЯНИ, ГОСПОДИ, души, иже в плен и погаными заведены быша в неверныя иноплеменныя и безбожныя языки православных христиан и осквернени бысть и превращены нужею и поневоле на иноверие, скончавшихся в неверных языцех и изомроша без покаяния.

ПОМЯНИ, ГОСПОДИ, души, иже от поганых стран избегших православныя вся и на пути и всяческии нужною смерть приимших.

ПОМЯНИ, ГОСПОДИ, души сирот убогих, вольных и невольных, свободных и работных, умерших во всяких скорбех от теснотах, и в нестроениях, и в небрежении скончавшихся и без покаяния измерших.

ПОМЯНИ, ГОСПОДИ, души иже от царей и от властей земных осужденных на смерть и не поделом скончавшихся всякою нужею и убиением.

ПОМЯНИ, ГОСПОДИ, души, скончавшихся мором и гладом, и жаждою и наготою, и мразом и зноем, градом и снегом, дождем и ветром и грозною тучею убиенных, и Божием праведным судом и без болезни скорою смертию без покаяния умерших.

ПОМЯНИ, ГОСПОДИ, душ, иже от грому убиенных и молнием сожигаемых, от небеснаго двизания и от земнаго труса и от бурнаго нахождения и всякими различными скорыми паденьями в неведении скончавшихся и измерших ненадежно, и тех, Господи, избави, Боже наш, всякия муки.

ПОМЯНИ, ГОСПОДИ, души, иже во граде и в селех и во храмех, каменных и древяных, и во всяком местех от огненаго запаления изгоревших, и от дымнаго чаду задохнувшихся, и от угару измерших.

ПОМЯНИ, ГОСПОДИ, души раб Своих, иже с высоких гор, и с храмины и с древа упадших, и на них, и храминою задавленных, и с камением загнетенных, и землею засыпанных, от ветра задохнувся, и кусом подавившихся, и в огнь и в воду ввергшихся, и от своих рук умерших от всякия немощи или от нужи, или и како по некоему недоумению, или друг с другом противно убиением умерших от виннаго запойства, или от неудобнаго ядения, и от всякия самоохотныя пакости скончавшихся и измерших без покаяния, и души их, Господи Спасе наш, Своих ради великих щедрот и незреченнаго милосердия помяни и спаси в будущем веце, и в день судный избави из, Господи , вечныя муки.

ПОМЯНИ, ГОСПОДИ, души, иже во христианстей вере преставльшихся немых и глухих, слепых и клусных, и всех нищих странных, и трудоватых и маломощных, и во всякой простоте и юродстве, и в тяжких недузех или прелестию и различным искушением от духов нечистых измерших, и во многих скорбех и болезнех, и в великих трудех и подвизех скончавшихся, мужескаго полу и женскаго в православной вере или кой, от них к Тебе, Господи, покаяния показаша простоты ради и неведения, или нужныя ради скорби и последния нищеты, и в том, Господи, прости их, человеколюбче, и Своего ради великаго милосердия, причти, Господи, их ко избранным твоим в вечных обителех.

ПОМЯНИ, ГОСПОДИ, души, иже от порчи, и от отравы или тоски напущением, или чаровным напоением и всякими теснотами и многоразличными вреды от напраснаго удавления, и обещением от некрещенных, по ненависти и по небрежению и порчи, и по всякой вражде убиенных мужескаго полу и женскаго или от некоего напрасньства, или своею дерзостию умерших и скончавшихся по вине и не по вине православных христиан.

ПОМЯНИ, ГОСПОДИ, души православных младенцев, отроков и отроковиц.

ПОМЯНИ, ГОСПОДИ, души младенцев, иже от чрева матери изгнании бысть небрежением и от избиения или от порчи вытравни бысть травами и зелием и всякими вреды.

ПОМЯНИ, ГОСПОДИ, души, иже в православной вере жен и со младенцы преставльшихся нерозродяся, и младенцы, у коих жен во чреве скончавшихся одушевленных, или от кои жены от тяжких бремен и от болезных родов умерших без покаяния и тех всех, Господи, души упокой и спаси, человеколюбче, во милости Своей.

ПОМЯНИ, ГОСПОДИ, души, иже напрасно умерших от падения всякаго и от скорого течения, от удавления же и пхания, и от всякаго ударения от древа, железа и от всякаго камени, и от заклания скончавшихся и измрших.

ПОМЯНИ, ГОСПОДИ, души, иже во скуделницах лежащих отец и братию нашу, мужескаго полу и женскаго.

ПОМЯНИ, ГОСПОДИ, души все православныя, иже от земнаго веку преставльшихся волею или неволею во ведении и неведении и напрасную смерть приимших мужескаго полу и женскаго, отрочат и отроковиц и всех правоверных мужей и жен православных христиан, умерших от начала и до сего времяни иже в поднебесней и во всех тысящных летех, благочестно на земли поживших и скончавшихся во обхождении солнца и во всех концех вселенныя от востока до запада, от юга до севера, и преставльшихся всякими скорьбми и многоразличными напастьми и неудобными бедами и тяжкими болезньми, и одержимыя от духов нечистых и измерших, и великим праведным судом Божием скончавшихся Твоим повелением Владыки, Христа Бога нашего, и отшедших от сего света земнаго всяким и многоразличным отшествием, преставльшихся везде и всюдуво всех языцех и по всем странам, и во всех местех всех правоверных мужей и православных христиан, умерших многовидно и многообразно, старцы и юноты, богатыя и убогия, свободныя и техже, несть кому их помянути, сиротства ради и убожества, и последния ради нищеты, и вся иже во благочестии поживших род и роды, и преставльшихся к Тебе, многомилостивому человеколюбцу Богу и упокой их, Господи, иже здесь лежащих и во всяком месте владычествия Твоего, всех правоверных мужей и православных христиан, иже преставльшихся от Адама и до сего дни отцы и праотцы, деды и прадеды от первых, даже и до последних, вся покой, Господи, усопших благочестно или в пустынях, или во градех, или в мори, или в реках, или во езерах, или на земли, во всяких местех царя же и святителя архиерея, иерея и иноки и белца во всяком возрасте и роде и сподоби их, Господи, улучити небеснаго Твоего Царствия, а имена их, Господи, Сам Ты веси, Владыко, человеколюбче, Христе Боже наш, и коегождо душу по имяни своему всех правоверных мужей и православных христиан мужеска полу и женскаго, юноша и отроковиц и младенцев, сосущих млеко, мужеско естество и женско и всех, ихже создал еси, умерших в правоверной вере, помяни их, Господи, Царю Небесный, Боже Отче Вседержителю, вземля их грехи и всего мира, сподоби их, Господи, улучити Небеснаго Твоего Царствия вечныя жизни и со Святыи души покой, Господи, души их в месте светле, в месте злачне, в месте покойне, идеже просвещает благодать Твоя, Отца, Сына и Святаго Духа во единем Божестве неразделнем, и напиши, Господи, милосердный Боже, неисправленныя души православных мужей и всех православных христиан мужескаго существа и женска в книгу животныя и с праведными учини души их в месте покойне в недрах Авраама и Исаака и Иакова, идеже просвещает свет лица Твоего, Господи, и прости им, Господи, всяко согрешение волное и неволное, яже содеянное ими словом и делом, и помышлением, и избави их, Господи, от вечных всяких мук и яко несть человека на земли иже жив бысть и к Тебе не согрешил, Ты бо един еси кроме всякого греха, правда Твоя, правда в век; и слово Твое истинно и вся им, Господи, ослаби, остави, отпусти и помилуй за множество щедрот Твоих, и великия ради Твоея и неизреченныя милости и души их, наслади райския пища, и сподоби их, Господи, вечных Твоих благ, и нас помилуй, и яко благ и человеколюбец, Бог, ты бо еси, воскресение и живот, и покой усопшим рабом Твоим и рабыням, Христе, Боже наш, и Тебе слав воссылаем, хвалу и благодарение, честь и покланение, со безначальным Твоим Отцем, и со пресвятым и благим и животворящим Ти духом, ныне и присно, и во веки веком. Аминь.

Источники:
Русский синодик. М., 1995.
"О синодиках" на www.pobeda.ru.